موضوع مهم جدا جدا جدا ارجو الدخول

السلام عليكم

طبعا ياجماعة الموضوع دة مهم جدا لناس كتير مش انا بس هيا فكرة جديدة برضو و هو يخص ال duelpass

دلوقتى konami نزلت العبة الجديدة Yu-Gi-Oh! ONLINE 3 DUEL ACCELERATOR و احلى حاجة

فى العبة انك ممكن تبارز على طول برحتك يعنى مش كام مرة و خلاص مش هتبقى محتاج ال duelpass عشان

تبارز بس هتبقى محتاجة عشان تشترى كروت جوة العبة ملاحظة ال duelpass غيرو اسمة خلو boosterpass

الفكرة الى عندى دى لو اتعملك والله ياجماعة هتبقى جامدة و طبعا بعد موافقة admin الفكرة ان نجيب واحد فى المنتدى من السعودية او دبى او اى بلد عربية يبقى فيها paypal وطبعا يبقى موثوق فية و امين و يبقى عندة حساب

على ال paypal و alertpay ال paypal هيستخدمة فى شراء ال boosterpass و ال alertpay

هيستخدمة فى استقبال الفلوس الى احنى هنبعتهالة هيا دى الفكرة ببساطة و على فكرة يا جماعة الى هيعمل الحكاية دى

مش لازم يكون بيلعب يوجى هو هيبقى وسيط او زى متقول وكيل فى المنتدى و طبعا ياجماعة ممكن يبقى الوكيل بتاع

مصر كلها هههههه عشان انا متاكد ان الفكرة دى محدش قالها قبل كدة و طبعا المنتدى ياجماعة مش هننساة هيبقى

مشهور و ممكن يبقى الوكيل الوحيد فى مصر الى عن طريقة ممكن تشترى boosterpass وطبعا نبقى نعمل

قسم جديد للمنتدى يبقى للحكاية دى بس و طبعا الى هيبقى الوكيل لو حسبها هيعرف ان الفلوس كدة كدة الى هيدفعها الى

هسشترى بيها هياخدها تانى و بنفس العملة طبعا الى هيا الدولار هو لسة لغيت دلوقتى معرفش هيبعو فين لسة كمان يومين لما العبة تبقى كاملة عشان هيا مش كاملة دلوقتى هيا BETA لسة بس كدة

انا عايز الادمن يشوف الموضوع دة و يقلى اية النظام و اى حد تانى شايف انو موضوع حلو و هيبقى مصلحة يقول

اخر حاجة لو ناس مش عارفة تجيب فلوس ازاى طبعا الطريقة المعروفة بتاعت شركان الربح بتاعت الاعلانات هو فى الشهر هتعملك 30$ فى المواقع الى بتدفع بجد مش نصب يعنى وطبعا لازم يبقى معاك حساب فى ALERTPAY
الى هنبعت علية الفلوس للوكيل بتاعنة هههه و يارب الموضوع يتعمل بجد والله هتبقى جامدة جدا للمنتدى و ليك كمان

دة الينك بتاع العبة [ندعوك للتسجيل في المنتدى أو التعريف بنفسك لمعاينة هذا الرابط]

انا هعمل الموضوع دة فى قسم الهماشى و بطولات يوجى يعنى بحيث لو حد مش بيدخل هنا يعنى و عشان الموضوع مهم بجد


مستنى الردود[ندعوك للتسجيل في المنتدى أو التعريف بنفسك لمعاينة هذه الصورة]

والله يا جماعة الموضوع لو اتنسى مش عايز اقول انكم هتخسرو كتير بس انا مش عايز اقولة لى

منتدى تانى عشان انا عندى انتماء للمنتدى دة انا قديم فية بقالى 4 سنين معاة فا لو هتنسو الموضوع

هقولة لمنتدى تانى و لو اتعمل انتو هتخسرو كتير والله المهم انا مستنى اشوف ادمن هيقول اية لما

يشوف الموضوع

فكرة رائعة منك وتحتاج الى مسؤول والفعل وليس فقط الكلام + كما تعلم ان اغلب مبارزين العصابة رحلوا حتى انا بطلت المبارزة يعني هل اعتمد عليك بهذا الموضوع

بص هو انا مش هبقى مفيد عشان ال paypal زى منتا عارف مش موجود فى مصر فا مش

هقدر اخدم كتير بس هيا الفكرة ان لو هنعمل الموضوع يبقى نعمل انتخابات و الى عايز يشترك فى

الحكاية دى يبقى نعمل الشروط ان هو يبقى من دولة تدعم ال paypal و يكون عامل حساب

مفعل فى paypal و alertpay و نعمل قسم خاص بالموضوع دة بس يكون واحد متواجد

فى المنتدى على طول او الى مفروض نعملة ان يبقى اكتر من واحد مش شرط واحد بس يبقى

مسئول عشان لو حد جة يشترى و مكنتش الوكيل بتعنا مش موجود يبقى فى واحد تانى بس

هو طبعا انا لو الموضوع اتعمل انا انشاء الله هشترى على طول كل شهر بقى كدة عشان انتا

عارف مواقع الربح بتاخد وقت شوية بس هو حاليا لسة منعرفش هما هيبيعو ال

boosterpass فين لسا ماقالوش و لما يقولو هقلك على طول يعنى لسة فى وقت كتير عندنا

لو هنعمل الموضوع هو بس اهم حاجة يكن واحد امين و موثوق فية جدا و لو فى اى حد تعرفة

انتا شخصية واحد صحبك او كدة و الدولة بتعتة تدعم paypal ابقى قلة يبقى الوكيل بتعنا

ياااااا تخيل كدة يبقى احنى المنتدى الوحيد فى مصر و ممكن فى الوطن العربى ال مش بتدعم

paypal يبقى احنا بس الى بنبيع ال boosterpass يعنى الموقع هيتشهر جدا اكتر من كدة

ونعمل اعلانات بقى فى المنتديات الصديقة للعصابة و هيبقى فى اقبال المهم ربنا يوفق بس يعنى

انا خدمتك بالفكرة مش عارف هساعد تانى ازاى او فى اية و فى حاجة اخيرة مش لازم يكون بيلعب يوجى عشان

يعمل الحكاية دى عادى اى حد هو مجرد نقلة اشترى boosterpass من الحتة دى هيشترى و احنى هنبعتلو الفلوس

بس

مشكوررررررر اخي

شكرا على الردود المهم الفعل

انتا فين يا ادمان عايز رد

العبة الكاملة هتبتدى بكرة ياجماعة و هيبقى ال boosterpass ب 3 $

انا قولت اقول لسة عندى امل انى نعمل الموضوع

يا باشا انا بقالي فترة بدور ازاي اشتري boosterpass وبالصدفة لقيت الموضوع ده من جوجل فسجلت ... مفيش أمل ولا ايه انا حمووت واجيب boosterpass !!

والله الحكاية مش بايدى انا قولت الفكرة الى عندىبس طبعا زى منتا شايف المنتدى مفيش حد خالص

عاوز يشارك فى الحكاية دى و هيا هتبقى مسؤلية على الى هيعمل الحكاية دى عشان الفولس و كدة بقى انتا عارف المهم ادينى مستنى

يا جماعة انا الحمد لله دلوقتي بقيت بشتري واشتريت مرة بوستر باس 150 والباقي اشتريت فيز 7 و8 و9 واتنين من 18 واتنين من 19 ومشتري لبس ودول ديسك وبروتيكتور ومظبط نفسي
لحد دلوقتي
واللي مش مصدق اهيه الصور

[ندعوك للتسجيل في المنتدى أو التعريف بنفسك لمعاينة هذه الصورة]


وادي فيديوهين ليا في مبارزات

[ندعوك للتسجيل في المنتدى أو التعريف بنفسك لمعاينة هذا الرابط]

مبروك يا اخى قولى اشتريتة ازاى؟ و عملت اية عشان تشترى

انا واحد صحبي عندو كريديت كارد وحساب باي بال بفيزا مفعلة فبديله الفلوس ويشتريلي
فأنا يا جماعة أقدر أشتريلكم لو حبيتو

عموماً انا عامل منتدي خاص باللعبة بس مش لحاجة تاني وفيه تفاصيل الشرا وكده
[ندعوك للتسجيل في المنتدى أو التعريف بنفسك لمعاينة هذا الرابط]

تمام هو دة المطلوب طب دلوقتى لو عايز ادفعلك مثلا هدفع ازاى و هاخد الكود ازاى و التفاصيل

دى يعنى

حتبعت الفلوس علي مكتب بريد بحوالة فورية بس وبعديها بيوم حبعتلك الكود من الموقع اللي بشتري منه

طب مفيش طريقة تانى للدفع غير دى

لاء مفيش غير دي ... هي مش مناسبة ليك ؟

والله انا مش هضحك عليك انا بخاف من الحجات دى طب ماتزعلش من السوال بس اضمن منين

انك هتاخد الفلوس و تبعتلى الكود على الايميل مش ممكن تاخد الفلوس و متبعتش حاجة معلش

متزعلش منى بس انا عايز اضمن برضو

هههههههههه لاء معاك حق بس عامة مفيش اي طريقة دفع حتضمنلك حاجة الحكاية اني والحمد لله عمري مكنت كده انا حبيت بس اخدمكو وطبيعي الواحد يخاف بس مش للدرجة دي كده الواحد مش حيتعامل في حياته خالص ولو كنت لاحظت اني عايز الكل يشتري ده لسبب واحد اني عايز المصريين والعرب عامة يكترو في اللعبة وفي المنتدي بتاعي حيبقي جو تاني يعني

انا هثق فيك عشان انتا مصرى و احنى فى رمضان و مش هتكدب فى رمضان ههههههه


المهم كنت عايز اسئالك على حاجة دلوقتى لو انا لو عايز اشترى مثلا 2 فيز ب 70 جنية

مثلا Phase 18 - STARDUST RISING

Phase 12 - RAINBOW EXPLOSION

كل واحد هيبقى ليها الكود بتعها صح و لو دخلت الكودين هاخد ال الستركشر ديك بتاعت

STARDUST RISING و RAINBOW EXPLOSION صح يعنى 80 ورقة