..........المدرسة .............

قصيدة (منقولة) يعبر الشاعر فيها بأفكار جميلة

فيقول :


علمونا فالمدارس كيف نقرأ هالحروف *** علمونا كيف نرسم كيف ننقش بالنحاس

علمونا كيف نكتب كيف نبدع بالوصوف *** كيف نبحر فالمعاني كيف ناخذها ألتباس

علمونا كيف نصبر كيف نقوى هالضروف *** كيف نبني من المواقف إستجابه للحواس

والحقائق علمونا كلها سمع(ن) وشوف *** علمونا وعلمونا كل شئ بالمقاس

وإن حفظنا كافئونا وان نسينا بالكفوف *** كل موقف له طريقة والجزاء هو الاساس

فوق هذا سلمونا ولامنعوا عشق(ن) يلوف *** ولاعطونا درس قاسي يمنع القلب النعاس

يمنع القلب يتمادى ثم ياخذنا حتوف *** بين موت وبين شوق وبين لذة سم كاس

إتركونا للمشاعر نحترق لوعة وخوف *** نحترق بطول المسافه وكلها شوك(ن) يداس

واتركونا فالصحاري ثوب مشقوق الكتوف *** يحتوينا قيظ حب(ن) في عذابه مات ناس

ليتهم ماعلمونا بس عطونا بالوقوف *** درس ماشي به نماشي قسوة الحب ويباس

ليتهم بس علمونا كيف نطفي نار جوف *** كيف نمنع ذا الخفوق ونتركه بأرض(ن) مساس

مايجيبه الود لحظه ولانغني بالحسوف *** ولاتقول شلون عشنا والعمر ماله قياس

هي أماني والاماني حلمها فينا يطوف *** إن خذتنا بالحقيقة ماخذتنا بأختلااس

وليتهم وسط المدارس ماعلمونا هالحروف *** ليتهم بس علمونا كيف نطفي نار جوف .....د

حلوة جدا

تابع التقدم

تحياتي